امریکا کے صدر ڈونلڈ ٹرمپ نے ایران کو ممکنہ جوابی ردعمل سے متعلق سخت وارننگ جاری کرتے ہوئے خبردار کیا ہے کہ کسی بھی قسم کی جارحانہ کارروائی کے سنگین نتائج سامنے آ سکتے ہیں۔
ٹرمپ نے اپنے سوشل میڈیا پلیٹ فارم ٹروتھ سوشل پر جاری پیغام میں کہا کہ ایران کی جانب سے سخت حملے کی بات کی جا رہی ہے، جو ماضی کے مقابلے میں زیادہ شدت کا ہو سکتا ہے۔ ان کا کہنا تھا کہ تہران کو ایسے کسی بھی اقدام سے باز رہنا چاہیے۔
انہوں نے واضح کیا کہ اگر ایران نے کسی قسم کی کارروائی کی تو امریکا کی جانب سے ایسا ردعمل سامنے آئے گا جس کی مثال پہلے نہیں ملتی۔ ان کے بقول امریکا اپنے مفادات اور اتحادیوں کے تحفظ کے لیے ہر ممکن اقدام کرے گا۔
یہ پڑھیں ایران پر حملوں کے بعد لبنان کا سخت مؤقف، وزیراعظم نواف سلام کا دوٹوک اعلان
سیاسی مبصرین کے مطابق خطے میں جاری کشیدگی کے تناظر میں اس بیان کو اہم قرار دیا جا رہا ہے، اور اس سے سفارتی ماحول مزید متاثر ہونے کا امکان ہے۔
