مریم نواز کا سخت ردعمل: ‘پنجاب کے زخموں پر نمک چھڑکا گیا’ – لاہور میں الیکٹرک بسوں کا فیز ٹو افتتاح
لاہور – وزیر اعلیٰ پنجاب مریم نواز شریف نے لاہور میں الیکٹرک بسوں کے فیز ٹو منصوبے کی افتتاحی تقریب کے موقع پر جہاں ایک طرف عوام کو جدید سفری سہولت کا تحفہ دیا، وہیں دوسری طرف حالیہ سیلاب اور امدادی سرگرمیوں پر ہونے والی تنقید کا بھرپور جواب دیا۔ انہوں نے واضح کیا کہ جب وہ “اپنا پانی” کہتی ہیں تو اس کا مطلب “پنجاب کا پانی” ہوتا ہے۔
اہم فیصلہ: سپریم کورٹ نے ہائی کورٹ کا جسٹس طارق جہانگیری کے خلاف حکم معطل کر دیا
الیکٹرک بسوں کا تحفہ: سہولت اور رعایات
وزیر اعلیٰ مریم نواز نے لاہور کے لیے مزید 40 الیکٹرو بسوں کے اضافے کا اعلان کیا، جو کہ عوام کے لیے ایک بڑی سہولت ہے۔ اس منصوبے کے اہم نکات یہ ہیں
کرایہ: ان بسوں کا کرایہ محض 20 روپے رکھا گیا ہے، جو کہ عام آدمی کے لیے ایک بڑی رعایت ہے۔
مفت سفر: خصوصی افراد (معذور)، بزرگوں، خواتین اور طلباء کے لیے ان بسوں میں سفر بالکل مفت ہوگا۔
سہولیات: الیکٹرو بسیں فری وائی فائی اور موبائل چارجنگ پورٹ کی سہولت سے آراستہ ہیں۔
خواتین کے لیے: خواتین کے لیے بسوں میں الگ کمپارٹمنٹس مختص کیے گئے ہیں۔
مانیٹرنگ: سیکیورٹی کے لیے بسوں کی سی سی ٹی وی سے مانیٹرنگ کی جائے گی۔
نئے روٹس: فیز ٹو میں الیکٹرو بسیں دو نئے روٹس پر چلیں گی
رائے ونڈ سے جناح ٹرمینل ٹھوکر نیاز بیگ
جناح ٹرمینل ٹھوکر نیاز بیگ سے ہربنس پورہ
وزیر اعلیٰ نے اپنے خطاب میں کہا کہ لاہور میں الیکٹرک بسیں عوام کے لیے تحفہ ہیں، اور پنجاب کی ترقی میرا مشن ہے۔
تنقید کا زوردار جواب: پانی اور امدادی کارروائیوں پر سیاست
تعلیمی ادارے میں بچوں پر وحشیانہ تشدد، بھاری فیسوں کے بدلے ناقص تعلیم اور والدین کے ساتھ ناروا سلوک
مریم نواز نے خیبر پختونخوا (کے پی) میں حالیہ کلاؤڈ برسٹ سے ہونے والے جانی نقصان کا ذکر کرتے ہوئے کہا کہ انہوں نے تھائی لینڈ سے بھی علی امین گنڈاپور کو کال کرکے پنجاب کی جانب سے مدد کی پیشکش کی تھی۔ تاہم، انہوں نے افسوس کا اظہار کیا کہ جب پنجاب میں سیلاب سے امدادی کارروائیاں جاری تھیں تو ان کا مذاق اڑایا گیا اور “پنجاب کے زخموں پر نمک چھڑکا گیا”۔
انہوں نے پانی کے معاملے پر بھی اپنا مؤقف دوٹوک انداز میں پیش کیا۔
جب میں اپنا پانی کہتی ہوں تو اس کا مطلب پنجاب کا پانی ہوتا ہے، جاتی امرا کا نہیں۔
انہوں نے افسوس کا اظہار کیا کہ ہمارا پانی پنجاب کے کسان کا حق تھا جسے سیاست کی نذر کردیا گیا ہے۔
انٹرنیشنل اداروں سے مدد نہ مانگنے کے حوالے سے ہونے والی تنقید پر وزیراعلیٰ نے کہا کہ جب عوام کی خدمت کی نیت ہو تو کسی کے آگے ہاتھ پھیلانے کی ضرورت نہیں پڑتی۔ انہوں نے واضح کیا کہ کے پی کے عوام بھی ہمارے اپنے ہیں، لیکن لوگوں کو گمراہ کرکے پنجاب کے خلاف نکالنا عصبیت ہے۔
مریم نواز نے زوردار الفاظ میں کہا کہ وہ اپنے لوگوں کے حق کے لیے آواز بلند کرتی ہیں اور کبھی معافی نہیں مانگیں گی۔ انہوں نے کہا کہ معافی انہیں مانگنی چاہیے جنہوں نے امداد کی فراہمی کے دوران پنجاب پر تنقید کی۔
پی ٹی آئی کو مزید جھٹکے لگیں گے، وزراء کے استعفے 27 ستمبر کے جلسے کا آفٹر شاک: ڈاکٹر عباداللہ
