پاک فوج کا بڑا جوابی وار: بھارت کا “اُڑی سپلائی ڈپو” تباہ

اسلام آباد (نمائندہ خصوصی) – پاک فوج نے دشمن کو منہ توڑ جواب دیتے ہوئے “آپریشن بُنيَانٌ مَّرْصُوْص” (آہنی دیوار) کے دوران بھارت کا ’’اُڑی سپلائی ڈپو‘‘ تباہ کر دیا۔ یہ کارروائی بھارت کی مسلسل اشتعال انگیزیوں کے خلاف پاکستان کا زبردست اور موثر ردعمل ہے۔

سیکیورٹی ذرائع کے مطابق یہ آپریشن انتہائی کامیاب رہا، جس کے نتیجے میں بھارتی فوج کو بھاری نقصان اٹھانا پڑا۔ ذرائع نے دعویٰ کیا ہے کہ بھارتی افواج کی سپلائی لائن شدید متاثر ہوئی ہے اور ان کی جنگی صلاحیتوں کو بڑا دھچکا لگا ہے۔

مزید کہا گیا ہے کہ افواجِ پاکستان نے دشمن کی جارحیت کا پوری قوت سے جواب دیتے ہوئے بھارتی فوج کی کمر توڑ دی ہے، اور بھارتی افواج نے عملی طور پر میدان میں گھٹنے ٹیک دیے ہیں۔

واضح رہے کہ لائن آف کنٹرول پر بھارتی اشتعال انگیزیوں کے بعد پاکستان کی جانب سے یہ جوابی کارروائی ایک اہم دفاعی اقدام کے طور پر کی گئی ہے، جس کا مقصد قومی سلامتی کا تحفظ اور دشمن کو واضح پیغام دینا ہے کہ پاکستان اپنی خودمختاری پر کوئی سمجھوتہ نہیں کرے گا۔