میسی پر 7 ملین ڈالر کا بڑا مقدمہ | فرینڈلی میچ چھوڑنے کا الزام، ارجنٹائن فیڈریشن بھی کٹہرے میں
میامی — عالمِ فٹبال کے سب سے بڑے نام لیونل میسی ایک بار پھر قانونی پریشانی میں پھنس گئے ہیں۔ میامی میں قائم ایونٹ پروموٹر کمپنی VID Music Group نے میسی اور ارجنٹائن فٹبال ایسوسی ایشن (AFA) کے خلاف میامی-ڈیڈ سرکٹ کورٹ میں 7 ملین ڈالر کا مقدمہ دائر کر دیا ہے جس میں فراڈ اور معاہدہ توڑنے کے الزامات ہیں۔
مقدمے کے مطابق میسی نے اکتوبر 2025 میں میامی میں ہونے والے ایک نمائشی فٹبال میچ میں شرکت کا 7 ملین ڈالر کا معاہدہ کیا تھا جس میں شرط تھی کہ وہ کم از کم 30 منٹ کھیلیں گے۔ لیکن 10 اکتوبر 2025 کو ارجنٹائن کے وینزویلا کے خلاف میچ میں میسی نے کھیلنے کی بجائے پرائیویٹ سویٹ (VIP باکس) میں بیٹھ کر میچ دیکھا۔ پروموٹر کمپنی کا دعویٰ ہے کہ اس کی وجہ سے انہیں کروڑوں ڈالر کا نقصان ہوا۔
دلچسپ بات یہ ہے کہ اگلے ہی دن انٹر میامی کے میچ میں میسی نے دو گول اسکور کیے جس سے ثابت ہوتا ہے کہ وہ فٹ تھے اور کھیل سکتے تھے۔ عدالتی دستاویزات کے مطابق AFA نے میسی کی شرکت کی ضمانت دی تھی اس لیے وہ بھی اس مقدمے کی مشترکہ ملزم ہے۔
ESP N کے مطابق میسی اور AFA نے ابھی تک اس مقدمے پر کوئی عوامی بیان نہیں دیا۔ مقدمہ مارچ 2026 میں دائر کیا گیا تھا اور اپریل میں کورٹ ریکارڈز کے ذریعے عوام کے علم میں آیا۔ ابھی تک سماعت کی تاریخ، ٹرائل شیڈول یا کسی سمجھوتے کی خبر نہیں ہے۔
یاد رہے کہ 2024 میں ہانگ کانگ میں بھی میسی کی غیر حاضری پر بہت تنقید ہوئی تھی جب شائقین نے پریمیم ٹکٹ خریدے اور میسی نے پورا میچ نہیں کھیلا تھا۔ وہ واقعہ مقدمے تک نہیں پہنچا لیکن میامی کا یہ مقدمہ ایک نئی قانونی مثال قائم کر سکتا ہے۔
مزید پڑھیں: عبداللہ شفیق 48 سال ریکارڈ — پاکستان بمقابلہ سری لنکا اور پاکستان بمقابلہ آسٹریلیا ون ڈے سکواڈ۔ ESPN کی مکمل رپورٹ پڑھیں۔
