واٹس ایپ میں دستاویز اسکین کرنے کا نیا فیچر متعارف

واٹس ایپ میں نئی سہولت: دستاویزات اسکین کرنے کا فیچر متعارف

(ملتان) – معروف میسیجنگ ایپ واٹس ایپ نے صارفین کی سہولت کے لیے ایک نیا فیچر متعارف کروا دیا ہے

جس کے تحت اب دستاویزات کو براہ راست ایپ کے ذریعے اسکین کیا جا سکے گا۔

عوام کو پٹرول کی سستی کا فائدہ نہ ملا، حکومت پر ڈاکٹر روبینہ اختر کی کڑی تنقید

یہ سہولت فی الحال کچھ بیٹا صارفین کے لیے دستیاب ہے۔ تفصیلات کے مطابق، واٹس ایپ نے اپنے تازہ ترین اینڈرائیڈ بیٹا ورژن 2.25.19.21 میں اس فیچر کو شامل کیا ہے،

جسے گوگل پلے اسٹور سے اپڈیٹ کے ذریعے حاصل کیا جا سکتا ہے۔ اس فیچر کی بدولت صارفین کو کسی تھرڈ پارٹی اسکیننگ ایپ کی ضرورت نہیں رہے گی۔

جب صارف “دستاویز اسکین کریں” کا انتخاب کرتے ہیں، تو موبائل کیمرہ فوراً فعال ہو جاتا ہے اور ایک لائیو پری ویو دکھاتا ہے،

تاکہ دستاویز کو درست طریقے سے کیمرے کے سامنے رکھا جا سکے۔ اسکیننگ کے اس عمل میں صارفین کی مختلف ضروریات کو مدنظر رکھا گیا ہے۔

اس میں دو طریقۂ کار شامل ہیں: ایک “خودکار موڈ” اور دوسرا “دستی موڈ”۔ خودکار موڈ میں ایپ خود بخود دستاویز کے کنارے پہچان کر تصویر لے لیتی ہے،

جب کہ دستی موڈ میں صارف اپنی سہولت کے مطابق تصویر لینے کا وقت خود طے کر سکتا ہے۔

خواتین کو دوسرے شہروں کی بجاۓ پاکپتن میں علاج ومعالجہ کی تمام سہولیات میسر ہوں گی۔

تصویر لینے کے بعد، واٹس ایپ فوری طور پر اس تصویر کو ایک پی ڈی ایف فائل میں تبدیل کر دیتا ہے جو کہ نجی یا گروپ چیٹ میں فوری طور پر شیئر کی جا سکتی ہے۔

یہ پورا عمل صارف کے فون پر ہی انجام پاتا ہے

اور اینڈرائیڈ کے بلٹ ان APIs استعمال کرتا ہے، جس سے صارف کی پرائیویسی بھی محفوظ رہتی ہے۔ ذرائع کے مطابق یہ فیچر آنے والے ہفتوں میں مزید صارفین کے لیے بھی متعارف کروا دیا جائے  گا۔