راولپنڈی: ملازمہ سے زیادتی کیس سیلون مالک گرفتار

راولپنڈی کے علاقے واہ صدر میں پولیس نے کارروائی کرتے ہوئے سیلون میں ملازمت کرنے والی خاتون سے مبینہ زیادتی میں ملوث سیلون کے مالک کو گرفتار کر لیا ہے۔

پولیس کے مطابق متاثرہ خاتون نے بیان دیا کہ وہ کام کے سلسلے میں سیلون گئی تھی جہاں ملزم نے اسے تنہا پا کر زیادتی کا نشانہ بنایا۔

واقعے کی اطلاع ملتے ہی پولیس نے مقدمہ درج کر کے ملزم کو حراست میں لے لیا۔

سرگودھا: مبینہ زیادتی کیس میں بیان بدلنے پر ملزمان بری، دو بہنوں کے خلاف مقدمہ درج

حکام کا کہنا ہے کہ متاثرہ خاتون کا میڈیکل معائنہ شروع کر دیا گیا ہے

جبکہ واقعے سے متعلق شواہد بھی اکٹھے کیے جا رہے ہیں۔

ایس پی پوٹھوہار طلحہٰ ولی کے مطابق ملزم کے خلاف ٹھوس شواہد کے ساتھ چالان مرتب کر کے عدالت میں پیش کیا جائے گا تاکہ اسے قانون کے مطابق سزا دلائی جا سکے۔

پولیس کا کہنا ہے کہ واقعے کی مکمل تحقیقات جاری ہیں اور ہر پہلو سے جائزہ لیا جا رہا ہے۔