عمران خان میں مفاہمت کی گنجائش نہیں، وہ ذاتی مفاد کو ترجیح دیتے ہیں: خواجہ آصف
اسلام آباد: وزیر دفاع خواجہ آصف نے کہا ہے کہ سیاسی مذاکرات ہمیشہ “لو اور دو” کی بنیاد پر ہوتے ہیں
مگر بانی پی ٹی آئی عمران خان کی سیاست میں مفاہمت کی گنجائش نظر نہیں آتی۔
عمران خان سے ملاقات: خیبرپختونخوا وزیر اعلیٰ کی درخواست پر اسلام آباد ہائی کورٹ کے نوٹسز
ان کے بقول عمران خان اصولوں کے بجائے ذاتی فائدے کو ترجیح دینے والے سیاستدان ہیں۔
ایک ٹی وی پروگرام میں گفتگو کرتے ہوئے خواجہ آصف کا کہنا تھا کہ اگر پاکستان تحریک انصاف اپنے اندرونی معاملات درست کر لے تو بات چیت کی راہ ہموار ہو سکتی ہے۔
انہوں نے کہا کہ وزیراعظم کئی بار پی ٹی آئی کو مذاکرات کی پیشکش کر چکے ہیں، مگر جواب میں ہر بار شرائط سامنے آتی ہیں۔
وزیر دفاع نے مزید کہا کہ ماضی میں پی ٹی آئی کے ایک وزیر کے غیر ذمہ دار بیان سے ملک کا پورا ایوی ایشن سیکٹر متاثر ہوا۔
ان کا کہنا تھا کہ حالیہ دنوں پی آئی اے کی کامیاب بولی اس بات کا ثبوت ہے کہ نجکاری کے عمل سے قومی ائیرلائن کی کارکردگی بہتر ہو سکتی ہے۔
خواجہ آصف کے مطابق حکومت کے پاس اب بھی پی آئی اے کے 25 فیصد شیئرز موجود ہیں
المناک حادثہ: ہری پور میں براتیوں سے بھری کوسٹر پہاڑ سے ٹکرا گئی، 2 خواتین جاں بحق، 30 زخمی
