مظفرگڑھ (میاں شاہ زیب جبلہ قریشی) کی رپورٹ کے مطابق کمشنر ڈیرہ غازی خان چوہدری اشفاق احمد نے مظفرگڑھ کا دورہ کیا،
کمشنر نے ڈی ایچ کیو ہسپتال اور کوڑے خان سکول کا معائنہ کیا۔ کمشنر اشفاق احمد چودھری اور ڈپٹی کمشنر قراۃ العین میمن کی خصوصی بچوں سے ملاقات کی اور عیدی اور تحائف تقسیم کئے
جس پربچوں نے خوشی کا اظہارکیا۔ سردار کوڑے خاں پبلک سکول میں کمشنر ڈی جی خان کی میڈیا سے گفتگو کرت ہوئے کہا کہ وزیر اعلیٰ پنجاب مریم نواز کی ہدایت پرڈویژن کے تمام سرکاری ہسپتالوں میں سپیشل بچوں کو عید گفٹ دئیے جارہے ہیں۔
انہوں نے کہا کہ سپیشل بچوں کی جدید خطوط پرتربیت کرے کے ان کو مفید شہری بنانا ہے ۔انہوں نے کہا کہ مستقبل میں یہ بچے ملک کی تعمیرو ترقی میں اپنا کردار ادا کریں گے۔
ڈپٹی کمشنر ماریہ طارق کا طاقتور ایکشن: تین اجلاس، تین بڑے فیصلے، عوامی سہولتوں کی فراہمی کا نیا دور
ایک سوال کے جوا ب میں انہوں نے کہا کہ ضلعی انتظامیہ اچھے اور مربوط انداز میں کام کررہی ہے،تاہم بہتری کی گنجائش ہر جگہ موجود ہوتی ہے ،
انہوں نے کہا کہ سرکاری ہسپتالوں میں مریضوں کا آنا اس بات کا ثبوت ہے کہ یہاں سہولیات مل رہی ہیں۔
انہوں نے کہا کہ ڈی ایچ کیو ہسپتال میں صفائی کی صورتحال میں مزید بہتری کی ضرور ت ہے۔
اس موقع پر ڈپٹی کمشنر قراۃ العین میمن، ایڈیشنل ڈپٹی کمشنر ریونیو عوید ارشاد بھٹی ، سی ای او تعلیم مہ جبین، پرنسپل سردار کوڑے خان پبلک سکول طاہر بشیر بھی موجود تھے
