بھارتی فلم “سردار جی 3” کے ٹریلر کے بعد ہانیہ عامر بھارتی میڈیا کے نشانے پر — تنقید بھی، تعریف بھی

ممبئی / ویب ڈیسک:
پاکستانی اداکارہ ہانیہ عامر کی پنجابی فلم “سردار جی تھری” کا ٹریلر ریلیز ہوتے ہی بھارتی میڈیا میں ہلچل مچ گئی ہے۔ ایک جانب ان کی خوبصورتی، اداکاری اور سوشل میڈیا پر اثر و رسوخ کی کھلے دل سے تعریف کی جا رہی ہے، تو دوسری جانب کچھ حلقے ان پر تنقید کرنے سے بھی باز نہیں آ رہے۔

ہانیہ عامر کی چمکتی شخصیت پر بھارتی میڈیا کی نظریں

بھارتی شوبز ویب سائٹ “بولی وڈ لائف” نے اپنی رپورٹ میں ہانیہ عامر کو “جنوبی ایشیا کی مقبول ترین اداکاراؤں میں سے ایک” قرار دیا ہے۔ رپورٹ کے مطابق، ہانیہ عامر کی مقبولیت صرف پاکستان تک محدود نہیں بلکہ بھارت، بنگلہ دیش، سری لنکا اور افغانستان میں بھی ان کے مداحوں کی تعداد لاکھوں میں ہے۔

ویب سائٹ نے یہ بھی دعویٰ کیا ہے کہ ہانیہ عامر کا شمار ان اداکاراؤں میں ہوتا ہے جن کے انسٹاگرام فالوورز کی تعداد پاکستانی شوبز انڈسٹری کی دیگر تمام شخصیات سے زیادہ ہے، اور ان کی ایک ایک پوسٹ پر لاکھوں لائکس اور کمنٹس آتے ہیں۔

رہن سہن میں شاہانہ انداز — “آڈی” گاڑیاں، کروڑوں کی آمدنی

رپورٹ میں ہانیہ عامر کے طرز زندگی پر بھی روشنی ڈالی گئی ہے، جس کے مطابق اداکارہ ایک پرتعیش زندگی گزارتی ہیں۔ ان کے پاس آڈی برانڈ کی مہنگی گاڑیوں کا ذخیرہ موجود ہے، جب کہ ان کا لباس، فیشن اور لائف اسٹائل کسی بین الاقوامی اسٹار سے کم نہیں۔

بھارتی ویب سائٹ کے مطابق، ہانیہ عامر کی سالانہ کمائی 50 کروڑ پاکستانی روپے تک پہنچ چکی ہے، جن میں سے 43 کروڑ صرف شوبز پراجیکٹس سے حاصل ہوتے ہیں، جب کہ برانڈز اور اشتہارات سے حاصل ہونے والی آمدنی اس کے علاوہ ہے۔

خوشخبری! پاکستان کی فضائی حدود ایک بار پھر کھل گئیں، ہواؤں میں اُڑنے کا وقت آ گیا

ڈراموں میں بھی چھائی ہوئی — فی قسط 4 لاکھ روپے کا معاوضہ

رپورٹ کے مطابق، ہانیہ عامر ٹی وی اسکرین پر بھی سب سے زیادہ معاوضہ لینے والی اداکاراؤں میں شامل ہیں۔ ایک ٹی وی قسط کا معاوضہ چار لاکھ روپے بتایا جا رہا ہے، جو پاکستان کے ٹی وی انڈسٹری میں ایک بڑی رقم سمجھی جاتی ہے۔

“سردار جی تھری” میں کتنا معاوضہ لیا؟ ابھی تک راز!

اگرچہ ویب سائٹ نے ہانیہ عامر کی مجموعی دولت اور کمائی کے متعلق کئی چونکا دینے والے دعوے کیے ہیں، لیکن یہ واضح نہیں کیا کہ انہوں نے اپنی پہلی بھارتی فلم “سردار جی تھری” میں کام کرنے کا کتنا معاوضہ وصول کیا ہے۔

قانون کے میدان میں نیا چہرہ، رانا محمد احمد رضا بن ریاض نے ایگزیکٹو ممبر کا اعزاز حاصل کیا!

مداحوں کا جوش، نقادوں کی بے چینی

ایک طرف بھارتی میڈیا ان کے حسن و شہرت کے قصیدے پڑھ رہا ہے، تو دوسری طرف بعض حلقے تنقید کے تیر چلا رہے ہیں۔ تاہم، سوشل میڈیا پر ہانیہ عامر کے مداح ان کی بھرپور حمایت کر رہے ہیں، اور فلم کا ٹریلر لاکھوں بار دیکھا جا چکا ہے۔