میزبان خاندان اور معززین کی جانب سے مہمانوں کا پرتپاک استقبال
راؤ عاطف علی خان کی محمد وارث کی صاحبزادی کی تقریبِ رخصتی میں خصوصی شرکت
مظفرگڑھ (ارشد خان سعیدی غزلانی، ڈسٹرکٹ بیورو چیف) معروف سیاسی و سماجی شخصیت راؤ عاطف علی خان نے محمد وارث کی صاحبزادی کی تقریبِ رخصتی میں بطورِ مہمانِ خصوصی شرکت کی۔ تقریب میں ان کی آمد پر میزبان خاندان اور مقامی معززین نے پرتپاک استقبال کیا اور نیک خواہشات کا اظہار کیا۔
اس پُروقار اور خوشگوار تقریب میں راؤ عاطف علی خان کے ہمراہ راؤ محمد اشفاق، راؤ تنویر احمد، راؤ محمد کاشف اور راؤ محمد حفیظ بھی شریک ہوئے۔ شرکاء نے دلہا اور دلہن کے اہلِ خانہ کو مبارکباد پیش کرتے ہوئے خوشیوں میں بھرپور شرکت کی۔
یہ پڑھیں غازیٔ ملت سید جاوید سعید کاظمی اچانک کراچی پہنچ گئے، والدہ کی صحت سے متعلق اہم اپیل سامنے آگئی
اس موقع پر راؤ عاطف علی خان نے محمد وارث اور ان کے اہلِ خانہ کو صاحبزادی کی شادی پر مبارکباد دیتے ہوئے نئی نویلی جوڑی کے لیے خوشحال، کامیاب اور پُرسکون ازدواجی زندگی کی دعا کی۔ دیگر معزز مہمانوں نے بھی نیک تمناؤں کا اظہار کرتے ہوئے جوڑے کی صحت، خوشحالی اور روشن مستقبل کے لیے خصوصی دعائیں کیں۔
تقریب کے اختتام پر محمد وارث اور ان کے خاندان نے تمام معزز مہمانوں کی شرکت، محبت اور نیک خواہشات پر دلی تشکر کا اظہار کرتے ہوئے کہا کہ عزیز و اقارب اور دوست احباب کی موجودگی نے ان کی خوشیوں کو دوبالا کر دیا۔
